മിസോറാമിൽ ക്വാറി തകർന്ന് 10 മരണം

ഐസ്വാൾ: റെമാൽ ചുഴലിക്കാറ്റിന് പിന്നാലെയുണ്ടായ കനത്ത മഴയിൽ ഐസ്വാളിൽ കരിങ്കൽ ക്വാറി തകർന്നു 10 തൊഴിലാളികൾ മരിച്ചു. നിരവധി പേർ ക്വാറിയിൽ കുടുങ്ങി കിടക്കുകയാണ്. പ്രദേശത്തുണ്ടായിട്ടുള്ള മഴയും ഉരുൾപൊട്ടലും രക്ഷാപ്രവർത്തനം തടസ്സം സൃഷ്ടിക്കുകയാണ്. ഉരുൾപൊട്ടലുകളെ തുടർന്ന് റോഡുകളിലൂടെയുള്ള ഗതാഗതം തടസ്സപ്പെട്ടു. മിസോറാമിന് പുറമെ അയൽ സംസ്ഥാനങ്ങളായ അസം, മേഘാലയ എന്നിവിടങ്ങളിലും കൊടുങ്കാറ്റ് നാശം വിതച്ചു.