Saturday, November 21, 2026
No menu items!

subscribe-youtube-channel

HomeNewsപണത്തെച്ചൊല്ലിയുണ്ടായ തർക്കം: സുഹൃത്തിന്റെ...

പണത്തെച്ചൊല്ലിയുണ്ടായ തർക്കം: സുഹൃത്തിന്റെ ആക്രമണത്തിൽ യുവാവിന് ഗുരുതര പരിക്ക്

തിരുവല്ല: പുളിക്കീഴിൽ ബാറിന് പുറത്ത് പണത്തിന്റെ പങ്കിനെച്ചൊല്ലിയുണ്ടായ തർക്കത്തിനിടെ സുഹൃത്തിന്റെ ആക്രമണത്തിൽ യുവാവിന് ഗുരുതര പരിക്ക്. നിരണം വെട്ടിയിൽ കിഴക്കേതിൽ വീട്ടിൽ അരുൺകുമാർ (39) ആണ് പരിക്കേറ്റത്. വ്യാഴാഴ്ച വൈകിട്ട് ആറുമണിയോടെയായിരുന്നു സംഭവം. സംഭവവുമായി ബന്ധപ്പെട്ട് അരുൺകുമാറിന്റെ സുഹൃത്തായ നിരണം ലക്ഷ്മി വിലാസത്തിൽ സജിത്ത് (39)നെ പുളിക്കീഴ് പൊലീസ് അറസ്റ്റ് ചെയ്തു.

വധശ്രമം ഉൾപ്പെടെയുള്ള വകുപ്പുകൾ ചുമത്തിയാണ് കേസെടുത്തിരിക്കുന്നത്. സജിത്തിന്റെ ഓട്ടോറിക്ഷയിലാണ് അരുൺകുമാറും മറ്റൊരു സുഹൃത്തും ബാറിലെത്തിയത്. മദ്യപിച്ച ശേഷം പുറത്തേക്ക് ഇറങ്ങിയ മൂവരും തമ്മിൽ ചെലവ് പങ്കിടുന്നതുമായി ബന്ധപ്പെട്ട് വാക്കുതർക്കമുണ്ടായി. തർക്കം പിന്നീട് കയ്യാങ്കളിയിലേക്ക് മാറുകയായിരുന്നു. ഇതിനിടെ സജിത്ത് കൈയിലുണ്ടായിരുന്ന  ബിയർ കുപ്പി ഉപയോഗിച്ച് അരുൺകുമാറിന്റെ കഴുത്തിൽ ശക്തമായി അടിച്ചതായാണ് പൊലീസ് പറയുന്നത്.

അടിയേറ്റ് കുപ്പി പൊട്ടുകയും ചില്ലുകൾ കഴുത്തിൽ തുളച്ചുകയറുകയും ചെയ്തതോടെ അരുൺകുമാറിന് ഗുരുതരമായി പരിക്കേറ്റു. ആക്രമണത്തിനിടെ സജിത്തിന്റെ വിരലുകൾക്കും പരിക്കേറ്റിട്ടുണ്ട്. ഗുരുതരമായി പരിക്കേറ്റ അരുൺകുമാറിനെ ആദ്യം പരുമലയിലെ സ്വകാര്യ ആശുപത്രിയിൽ പ്രവേശിപ്പിച്ചു. പിന്നീട് തുടർചികിത്സക്കായി കോട്ടയം മെഡിക്കൽ കോളജ് ആശുപത്രിയിലേക്ക് കൊണ്ടുപോയി.

- Advertisment -

RELATED ARTICLES
Advertisment

Desham News

- Advertisement -

നടിയെ ആക്രമിച്ച കേസ് : സർക്കാരിന്റെ അപ്പീൽ ഹൈക്കോടതി ഫയലിൽ സ്വീകരിച്ചു

കൊച്ചി : നടിയെ ആക്രമിച്ച കേസിൽ സർക്കാരിന്റെ അപ്പീൽ ഹൈക്കോടതി ഫയലിൽ സ്വീകരിച്ചു. ദിലീപ് അടക്കമുള്ള പ്രതികൾക്ക് കോടതി നോട്ടീസ് അയച്ചു. വിചാരണക്കോടതിയുടെ വീഴ്ച്ചകൾ ചൂണ്ടിക്കാണിച്ചുകൊണ്ട് 300 പേജുള്ള അപ്പീലാണ് സർക്കാർ സമര്‍പ്പിച്ചത്....

വെച്ചൂച്ചിറ സാമൂഹിക ആരോഗ്യ കേന്ദ്രത്തിന്  5.75 കോടിയുടെ പദ്ധതി

പത്തനംതിട്ട: വെച്ചൂച്ചിറ സാമൂഹിക ആരോഗ്യ കേന്ദ്രത്തിൽ ആധുനിക നിലവാരത്തിൽ കെട്ടിടനിർമ്മാണത്തിന് 5.75 കോടിയുടെ പദ്ധതി തയ്യാറാകുന്നുവെന്ന് ആരോഗ്യ വകുപ്പ് മന്ത്രി വീണാ ജോർജ് . റാന്നി എംഎല്‍എയുടെ മണ്ഡല ആസ്തി വികസന ഫണ്ട്...
- Advertisment -

Most Popular

- Advertisement -