മലപ്പുറം : മലപ്പുറത്ത് മലയോര മേഖലയിൽ മഞ്ഞപ്പിത്തം ബാധിച്ച് ഒരാൾ മരിച്ചു. പെവുന്തറ സ്വദേശി അച്ചിപ്ര അബ്ദുൽ സത്താറാണ് മരിച്ചത്. വണ്ടൂരിൽ പുതുതായി പ്രവർത്തനം തുടങ്ങിയ ഒരു റെസ്റ്റോറന്റിൽ നിന്ന് ഭക്ഷണം കഴിച്ചവർക്കാണ് പ്രധാനമായും രോഗം ബാധിച്ചിട്ടുള്ളത്.നിലവിൽ 18 പേരാണ് ചികിത്സയിലുള്ളത്.ഒരാളുടെ നില ഗുരുതരമാണ്.
ഒക്ടോബർ 3 മുതൽ 18 വരെ പുതിയ ഹോട്ടലിൽനിന്നും ഭക്ഷണം കഴിച്ചവരിലാണ് രോഗം കണ്ടെത്തിയത്.മഞ്ഞപ്പിത്തം പടരുന്ന പശ്ചാത്തലത്തിൽ ഹോട്ടലുകളിലും, കൂൾബാറുകളിലും ആരോഗ്യവകുപ്പ് പരിശോധന തുടങ്ങി. വണ്ടൂർ, തിരുവാലി, കാളികാവ് പഞ്ചായത്തിലുള്ളവർക്കാണ് മഞ്ഞപ്പിത്തം സ്ഥിരീകരിച്ചിട്ടുള്ളത്.ഇവിടെ ക്ലോറിനേഷൻ പ്രവർത്തികൾ ആരംഭിച്ചിട്ടുണ്ട്.
