ന്യൂഡൽഹി : ടിബറ്റിൽ വൻ ഭൂചലനം.ഭൂകമ്പമാപിനിയില്‍ 7 തീവ്രത രേഖപ്പെടുത്തിയ ഭൂചലനത്തിൽ 16 പേർ മരിച്ചു. 32 പേർക്ക് പരുക്കേറ്റു. വ്യാഴാഴ്ച രാത്രി പ്രാദേശിക സമയം 10.33-ഓടെയായിരുന്നു ഭൂചലനം.വടക്കന്‍ തിബറ്റിലെ നാഗ്‌കു നഗരത്തിലെ ബാകെൻ കൗണ്ടിയിലെ മാരു ടൗൺഷിപ്പാണ് ഭൂചലനത്തിന്റെ പ്രഭവകേന്ദ്രം.
339 വീടുകളും കന്നുകാലികളെ പാര്‍പ്പിച്ചിരുന്ന നിരവധി ഷെഡുകളും നിലംപൊത്തി. കെട്ടിടങ്ങൾ കുലുങ്ങിയതോടെ ഹോട്ടലുകളിലും റെസ്റ്ററന്റുകളിലും കടകളിലുമുണ്ടായിരുന്നവർ പുറത്തേക്ക് ഓടിരക്ഷപ്പെട്ടു. പരുക്കേറ്റവരുടെ എണ്ണം ഉയര്‍ന്നേക്കാമെന്നും തിരച്ചില്‍ നടക്കുകയാണെന്നും അധികൃതര്‍ വ്യക്തമാക്കി.
