എംജിഎം കുടുംബസംഗമം

തിരുവല്ല: പരിശുദ്ധ പരുമല തിരുമേനിയുടെ 124-ാമത് ഓർമ്മപ്പെരുന്നാളിനോടനുബന്ധിച്ച് തിരുവല്ല എംജിഎം ഹയർ സെക്കൻഡറി സ്കൂളിൽ കുടുംബസംഗമം സംഘടിപ്പിച്ചു. അങ്കമാലി ഭദ്രാസനാധിപൻ യൂഹാനോൻ മാർ പോളിക്കാർപ്പോസ് മെത്രാപ്പോലീത്ത സംഗമം ഉദ്ഘാടനം ചെയ്തു. സ്കൂൾ ലോക്കൽ മാനേജർ ഫാ. വർഗീസ് മാത്യു അധ്യക്ഷത വഹിച്ചു.

പൂർവവിദ്യാർഥികളും അധ്യാപകരും പങ്കെടുത്തു. പൂർവവിദ്യാർഥി സംഘടനയുടെ രക്ഷാധികാരി കെ.എം. മാത്യു മുഖ്യസന്ദേശം നൽകി. ഫാ. സി.വി. ഉമ്മൻ, പ്രിൻസിപ്പൽ പി.കെ. തോമസ്, പൂർവവിദ്യാർഥി കെ.എസ്. വർഗീസ്, ദീപ മേരി ജേക്കബ്, കാതോലിക്കേറ്റ് ആൻഡ് എം.ഡി. സ്കൂൾസ് ഗവേണിങ് കമ്മിറ്റി അംഗം സജി മാമ്പ്രക്കുഴി, സഭാ മാനേജിങ് കമ്മിറ്റി അംഗം ജോജി പി. തോമസ്, ജനറൽ കൺവീനർ മത്തായി ടി. വർഗീസ്, ബിനു ചെറിയാൻ എന്നിവർ പ്രസംഗിച്ചു.