കോഴിക്കോട് : കോഴിക്കോട് വിമാനത്താവളത്തിൽ സ്വർണം തട്ടിയെടുക്കാനെത്തിയ സംഘവും 102 പവൻ സ്വർണം കടത്തിക്കൊണ്ടുവന്ന യുവതിയും തമ്മിൽ സംഘർഷം.പൊലീസിനെ കണ്ടതോടെ പ്രതികൾ ഓടി രക്ഷപ്പെടാൻ ശ്രമിച്ചു.പൊലീസ് ഉദ്യോഗസ്ഥരെ കാറിടിപ്പിക്കാൻ ശ്രമിച്ച 4 പേർ കടന്നുകളഞ്ഞു.4 പേരെ പോലീസ് അറസ്റ്റ് ചെയ്തു
ഇന്ന് പുലർച്ചെ ബഹ്റൈനിൽനിന്ന് ഷാർജ വഴി കരിപ്പൂരിലെത്തിയ ഇടുക്കി വണ്ടൻമേട് സ്വദേശിനി അഭിരാമി ആണ് എമർജൻസി ലാംപിന്റെ ബാറ്ററി കെയ്സിനുള്ളിൽ 816 ഗ്രാം സ്വർണവുമായി പിടിയിലായത്.അഭിരാമിയും കൂട്ടാളിയായ ഹർഷലും വിമാനത്താവളത്തിലെ പാർക്കിങ് ഏരിയയിൽ എത്തിയപ്പോഴാണ് സ്വർണം തട്ടിയെടുക്കാൻ മറ്റൊരു സംഘം എത്തിയത്.ഇവർ യുവതിയെയും കൂടെയുണ്ടായിരുന്നയാളെയും ആക്രമിച്ച് സ്വർണം കവരാൻ ശ്രമിച്ചതോടെ സ്ഥലത്തുണ്ടായിരുന്ന പൊലീസ് ഇടപെടുകയായിരുന്നു.
പിടിയിലായ അഭിരാമിയെയും ഹർഷലിനെയും തുടർ നടപടികൾക്കായി കസ്റ്റംസിന് കൈമാറി. സ്വർണം തട്ടിയെടുക്കാനെത്തിയ ബവിലേഷിനെയും സായന്തിനെയും അറസ്റ്റ് ചെയ്തു.
