തിരുവനന്തപുരം : എക്‌സൈസ് കമ്മിഷണർ സ്ഥാനത്തുനിന്ന് സീറാം സാംബശിവ റാവുവിനെ മാറ്റി .സര്‍ക്കാരും മന്ത്രിയും അറിയാതെ ബാര്‍ ലൈസന്‍സ് നല്‍കിയെന്ന വിവാദത്തിനിടെയാണ് നടപടി .എക്‌സൈസ് മന്ത്രി എം. ലിജുവിന് സീറാം സാംബശിവറാവുവിന്റെ നിലപാടുകളോട് കടുത്ത അതൃപ്തിയുണ്ടായിരുന്നു.
അഡീഷണൽ എക്‌സൈസ് കമ്മിഷണർക്കാണ് എക്‌സൈസ് കമ്മിഷണറുടെ അധികച്ചുമതല നൽകിയിരിക്കുന്നത്.ഷെഡ്യൂൾഡ് കാസ്റ്റ്, ഷെഡ്യൂൾഡ് ട്രൈബ് ഡെവലപ്‌മെന്റ് ഡിപ്പാർട്‌മെന്റ് സ്‌പെഷൽ സെക്രട്ടറിയായാണ് സാംബശിവ റാവുവിന് പുതിയ നിയമനം നൽകിയിട്ടുള്ളത്.
മൂന്ന് ബീയര്‍, വൈന്‍ പാര്‍ലറുകള്‍ക്കു ലൈസന്‍സ് പുതുക്കി നല്‍കുകയും കൊച്ചി വിമാനത്താവളത്തില്‍ 2 ലൗഞ്ച് ബാര്‍ ലൈസന്‍സ് അനുവദിച്ചതും വിവാദമായിരുന്നു. തുടർന്ന് രണ്ട് എക്‌സൈസ് ഉദ്യോഗസ്ഥരെ സസ്‌പെന്‍ഡ് ചെയ്തിരുന്നു.
