തിരുവനന്തപുരം : തിരുവനന്തപുരം വിതുരയിൽ ബോണക്കാട് ബി.എ. ഡിവിഷനിൽ കരടികളുടെ ആക്രമണത്തിൽ ഒരാൾക്ക് പരിക്ക്.കാറ്റാടിമുക്ക് ലൈൻ നിവാസിയായ ലാലയ്ക്ക് (59) ആണ് പരിക്കേറ്റത്.രണ്ടു കരടികൾ ആണ് ആക്രമിച്ചത്.
ഇന്ന് പുലർച്ച നാല് മണിയ്ക്ക് വീട്ടുമുറ്റത്തിറങ്ങിയ ലാലയെ കരടികൾ അടിച്ചു വീഴ്ത്തുകയായിരുന്നു.തുടയുടെ ഭാഗത്തും കൈകളിലും ആഴത്തിൽ ഉള്ള മുറിവുകളുണ്ട്.ബഹളം കേട്ട് നാട്ടുകാർ ഓടിയെത്തിയപ്പോഴേക്കും കരടികൾ കാട്ടിലേക്ക് ഓടി മറഞ്ഞു.പരിക്കേറ്റ ലാലയെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.ബോണക്കാട് മേഖലയിൽ മുൻപും കരടിയുടെ ആക്രമണം ഉണ്ടായിട്ടുണ്ട്.
