തൃശ്ശൂർ : തൃശ്ശൂർ വടക്കാഞ്ചേരി വാഴക്കോട് പെട്രോൾ പമ്പിൽ വൻ തീപിടിത്തം.വാഴക്കോട് ഖാൻ പെട്രോൾ പമ്പിലാണ് ചൊവ്വാഴ്ച്ച രാവിലെ പതിനൊന്ന് മണിയോടെ തീ പിടിച്ചത്.വാഹനങ്ങളിൽ ഇന്ധനം നിറയ്‌ക്കുന്നതിനിടയിലാണ് തീപിടിത്തമുണ്ടായത്. പമ്പിൽ നിന്നും പുറത്തേക്ക് ഒഴുക്കിയ പെട്രോൾ കലർന്നിരുന്ന മലിന ജലത്തിലാണ് തീ പിടിച്ചത് . പമ്പിന് പുറത്ത് മാലിന്യം കൂട്ടിയിട്ട് കത്തിക്കുന്നതിനിടെ ഈ വെള്ളത്തിലേക്ക് തീ ആളിപ്പടരുകയായിരുന്നു.
പമ്പ് ജീവനക്കാർ ടാങ്കുകളിൽ നിന്നുള്ള വാൽവുകൾ ഓഫ് ചെയ്ത് തീ അണയ്‌ക്കാനുള്ള ശ്രമം നടത്തിയത് വലിയ അപകടം ഒഴിവാക്കി. പൊലീസും അഗ്നിശമനസേനയും സ്ഥലത്തെത്തി തീ അണച്ചു .
