തിരുവല്ല: 40-ാമത് ശ്രീമദ് ഭാഗവത മഹാ സത്രത്തിൻ്റെ പൊതുയോഗം കൂടി. കാവുംഭാഗം എറങ്കാവ് ഭഗവതി ക്ഷേത്ര ആഡിറ്റോറിയത്തിൽ കൂടിയ പൊതുയോഗത്തിൽ സത്രത്തിൻ്റെ വരവ് ചിലവ് കണക്കുകൾ അവതരിപ്പിച്ചു. നാരായണീയ പാരായണത്തോടെ ആരംഭിച്ച ചടങ്ങിൽ ഗുരുവായൂർ ഭാഗവത സത്ര സമിതി വൈസ് പ്രസിഡൻ്റ് എസ് നാരായണ സ്വാമി ഭദ്രദീപ പ്രകാശനം നടത്തി ഉത്ഘാടനം നിർവ്വഹിച്ചു. സത്ര നിർവ്വഹണ സമിതി ചെയർമാൻ അഡ്വ. റ്റി.കെ ശ്രീധരൻ നമ്പൂതിരിയുടെ അദ്ധ്യക്ഷത വഹിച്ചു.
മാതൃസമിതി ചെയർപേഴ്സൺ പ്രൊഫ. ആർ ഷൈലജ, ജനൽ കൺവിനർ പി.കെ ഗോപിദാസ്, ജനറൽ സെക്രട്ടറി സുരേഷ് കാവുംഭാഗം, ഏറങ്കാവ് ഭഗവതി ക്ഷേത്ര പ്രസിഡൻ്റ് സന്തോഷ്, നിർവ്വഹണ സമിതി അംഗം ഡോ. രാധാകൃഷ്ണൻ, ഫിനാൻസ് വർക്കിംഗ് ചെയർമാൻ ബാലകൃഷ്ണപിള്ള, കൺവിനർ പ്രിതി.ആർ. നായർ, ട്രഷറാർ പ്രമോദ് സി. ജെ തുടങ്ങിയവർ പ്രസംഗിച്ചു.
