പത്തനംതിട്ട: സ്‌കൂട്ടറിൽ ഷാൾ കുരുങ്ങി അപകടത്തിൽപ്പെട്ട് ചികിത്സയിലായിരുന്ന റിട്ട അധ്യാപിക മരിച്ചു. അടൂർ നെല്ലിമുകൾ കൃഷ്ണ വിലാസത്തിൽ ജയശ്രീ(58)ആണ് മരിച്ചത്. കഴിഞ്ഞ വെള്ളിയാഴ്ച മുണ്ടപ്പള്ളി ജംഗ്ഷന് സമീപമായിരുന്നു അപകടം.
മകനൊപ്പം സ്‌കൂട്ടറിൽ സഞ്ചരിക്കുകയായിരുന്നു. ഗുരുതരമായി പരുക്കേറ്റതിനെ തുടർന്ന് തിരുവല്ലയിലെ സ്വകാര്യ ആശുപത്രിയിൽ ചികിത്സയിലായിരുന്നു. ഭർത്താവ്: ആർ രാധാകൃഷ്ണൻ. മക്കൾ: ചിഞ്ചു ആർ കൃഷ്ണ, ആർ ഹരികൃഷ്ണൻ. മരുമകൻ: അനു.
