തിരുവല്ല: കാവുംഭാഗം ആനന്ദേശ്വരം ശിവക്ഷേത്രത്തിൽ നടന്ന 40-ാം മത് അഖില ഭാരത ശ്രീമദ് ഭാഗവത മഹാസത്രത്തിൻ്റെ വാർഷിക ആഘോഷം തിരു ഏറങ്കാവ് ഭഗവതി ക്ഷേത്ര ആഡിറ്റോറിയത്തിൽ നടന്നു.
വിവിധ നാരായണീയ സമിതികളുടെ ആഭിമുഖ്യത്തിൽ ഭക്തജനങ്ങളുടേ സാന്നിധ്യത്തിൽ ആരംഭിച്ച ചടങ്ങിൽ ഗുരുവായൂർ സത്ര സമിതി വൈസ് പ്രസിഡൻ്റ് എസ് നാരായണ സ്വാമി ഭദ്രദീപ പ്രകാശനം നടത്തി വാർഷിക ആഘോഷം ഉദ്ഘാടനം ചെയ്തു. സത്രം ചെയർമാൻ അഡ്വ റ്റി.കെ ശ്രീധരൻ നമ്പൂതിരി അദ്ധ്യക്ഷത വഹിച്ചു. തലയോലപറമ്പ് ഡി.ബി കോളേജ് പ്രൊഫസർ ഇന്ദുലേഖ മുഖ്യ പ്രഭാഷണം നടത്തി.
സത്രം ജനറൽ കൺവീനർ പി.കെ ഗോപിദാസ്, സന്തോഷ്കുമാർ കുറ്റുവേലിൽ ശ്രീനിവാസ് പുറയാറ്റ്, പ്രൊഫ ഷൈലജ ടീച്ചർ, സി.കെ ബാലകൃഷ്ണപിള്ള ചേന്നാട്ട്, പ്രീതി ആർ നായർ, മഹേഷ്‌ കാരക്കൽ, പ്രമോദ് ചേപ്പിലയിൽ എന്നിവർ പ്രസംഗിച്ചു.
