തിരുവല്ല : അമൃത എക്സ്പ്രസിന് തിരുവല്ലയിൽ സ്റ്റോപ്പ് അനുവദിച്ചു. ബി ജെ പി സംസ്ഥാന ജനറൽ സെക്രട്ടറി അനൂപ് ആന്റണിയുടെ ഇടപെടലിനെ തുടർന്നാണ് സ്റ്റോപ്പ് അനുവദിച്ചത്. വിവിധ ആവശ്യങ്ങൾ ഉന്നയിച്ച് കഴിഞ്ഞ മാസം 15 ന് റെയിൽവേ മന്ത്രി അശ്വിനി വൈഷ്ണവുമായി അദ്ദേഹം കൂടിക്കാഴ്ച നടത്തിയതിന് പിന്നാലെയാണ് നടപടി.
ട്രെയിന് സ്റ്റോപ്പ് അനുവദിച്ചതോടെ ഏറെക്കാലമായുള്ള യാത്രക്കാരുടെ ആവശ്യമാണ് സഫലമായത്. തിരുവല്ലയുടെ യാത്രാക്ലേശങ്ങൾക്ക് പരിഹാരം കാണുന്നതിനായുള്ള നിരന്തരമായ ഇടപെടലുകൾക്ക് ഫലം ലഭിക്കുന്നതിൽ സന്തോഷമുണ്ടെന്നും തിരുവല്ലയിലെയും പരിസര പ്രദേശങ്ങളിലെയും ആയിരക്കണക്കിന് യാത്രക്കാർക്കും തീർത്ഥാടകർക്കും ഈ തീരുമാനം ആശ്വാസമാകുമെന്നും അനൂപ് ആന്റണി പറഞ്ഞു.
