പന്തളം: വാഴക്കുല കയറ്റി വന്ന ലോറി ഇടിച്ച് ബൈക്ക് യാത്രക്കാരൻ മരിച്ചു. പന്തളം ടൗണിനും മണികണ്ഠനാൽത്തറ ജംഗ്ഷനും മധ്യേ ഇന്ന് വൈകിട്ട് 4 ന് ആയിരുന്നു അപകടം. ബൈക്ക് യാത്രക്കാരനായ കൊല്ലം പവിത്രേശ്വരം സ്വദേശി പ്രത്യുഷ് (33) ആണ് മരിച്ചത്.
ലോറി ബൈക്കിൽ ഇടിച്ച ശേഷം വൈദ്യത തൂണിലും ഏതാനും വാഹനങ്ങളിലും ഇടിച്ചാണ് നിന്നത്. എം സി റോഡിൽ ഒരു മണിക്കുറോളം ഗതാഗതം തടസപ്പെട്ടു. മൃതദേഹം സ്വകാര്യ ആശുപത്രിയി മോർച്ചറിയിലേക്ക് മാറ്റി. പന്തളം പൊലീസും അടൂരിൽ നിന്ന് ഫയർ ഫോഴ്സും സ്‌ഥലത്ത് എത്തിയിരുന്നു.
