ഗുവാഹത്തി : അസമില് ഏകീകൃത സിവില് കോഡ് നടപ്പാക്കാന് ബിജെപി സർക്കാർ. ബില്ലിന്റെ കരട് മെയ് 26-ന് നിയമസഭയുടെ മേശപ്പുറത്ത് വെയ്ക്കും. ഏക സിവില് കോഡ് നടപ്പാക്കുന്നതുമായി ബന്ധപ്പെട്ട കരട് രേഖയ്ക്ക് മന്ത്രിസഭാ യോഗം അംഗീകാരം നല്കിയതായി മുഖ്യമന്ത്രി ഹിമന്ത ബിശ്വ ശര്മ്മ മാധ്യമങ്ങളെ അറിയിച്ചു.
മുഖ്യമന്ത്രിയായി സത്യപ്രതിജ്ഞ ചെയ്തതിന് ശേഷം നടന്ന ആദ്യ മന്ത്രിസഭാ യോഗത്തിലാണ് സുപ്രധാന തീരുമാനം. തെരഞ്ഞെടുപ്പ് പ്രകടന പത്രികയിൽ ഏകീകൃത സിവിൽ കോഡ് നടപ്പിലാക്കുമെന്ന് ബിജെപി വാഗ്ദാനം നൽകിയിരുന്നു.
