ഇന്ത്യയിൽ നിന്ന് നേപ്പാളിലേക്ക് പോയ ബസ് അപകടത്തിൽപെട്ടു : 14 മരണം

കഠ്മണ്ഡു :  ഇന്ത്യയിൽ നിന്ന് പോയ ബസ് നേപ്പാളിൽ നദിയിലേക്ക് മറിഞ്ഞു. അപകടത്തിൽ 14 പേർ മരിച്ചു. നിരവധി പേർക്ക് പരുക്ക്.പൊഖ്‌റയിൽ നിന്ന് കാഠ്മണ്ഡുവിലേക്ക് പോവുകയായിരുന്ന ബസാണ് അപകടത്തിൽപ്പെട്ടത്. വെള്ളിയാഴ്ച രാവിലെ 11.30ഓടെ നേപ്പാളിലെ തനാഹുൻ ജില്ലയിലെ മർസ്യാങ്ഡി നദിയിലേക്ക് ബസ് മറിയുകയായിരുന്നു. ബസ്സിൽ 40 യാത്രക്കാരുണ്ടായിരുന്നു. പൊഖാറയിലെ മജേരി റിസോട്ടിൽ താമസിച്ചിരുന്ന സഞ്ചാരികൾ ആണ് ബസ്സിലുണ്ടായിരുന്നത് .ഉത്തർപ്രദേശിൽനിന്നുള്ള യുപി എഫ്ടി 7623 നമ്പറിലുള്ള ബസാണ് അപകടത്തിൽപ്പെട്ടത്.നേപ്പാൾ ‍ദുരന്തനിവാരണ സേനസ്ഥലത്ത് രക്ഷാപ്രവർത്തനം തുടരുകയാണ്.