കോഴിക്കോട് പേപ്പർ അവശിഷ്ടം സൂക്ഷിച്ച കടയിൽ തീപിടുത്തം

കോഴിക്കോട് : കോഴിക്കോട് കൊളങ്ങരപ്പീടികയിൽ പേപ്പർ അവശിഷ്ടം സൂക്ഷിച്ച കടയ്ക്ക് തീ പിടിച്ചു.എക്കോ ഇക്കോ പേപ്പേഴ്സ് ആന്‍റ് സ്ക്രാപ്പ് എന്ന സ്ഥാപനത്തിന്റെ ഷെഡിലാണ് തീ പടർന്നത്.ഇന്ന് പുലർച്ചെ 1.20 നാണ് അപകടം ഉണ്ടായത്.ഷെഡ് പൂർണമായും കത്തി നശിച്ചു. കെട്ടിടത്തിനും കേടുപാടുണ്ടായി. ഷെഡിനോട് ചേർന്ന് ഉണ്ടായിരുന്ന വീട്ടിൽ താമസിച്ചിരുന്ന ബീഹാർ സ്വദേശികൾ നാട്ടിൽ പോയതിനാൽ വൻ അപകടം ഒഴിവായി.മൂന്ന് യൂണിറ്റ് ഫയർ ഫോഴ്സ് സംഘം ചേർന്നാണ് തീയണച്ചത് .