കൊച്ചി: കാറിൽ ത്രീ സ്റ്റാർ ബോർഡ് വച്ച് യാത്ര ചെയ്തതിൽ ടോമിൻ തച്ചങ്കരിക്ക് ഹൈക്കോടതി നോട്ടീസ്. ഈ മാസം 31നുള്ളിൽ മറുപടി പറയണമെന്ന് ഹൈക്കോടതി നിർദേശം. വിരമിച്ച ശേഷം സ്വകാര്യ വാഹനത്തിൽ ത്രീ സ്റ്റാർ ബോർഡ് ഉപയോഗിച്ചതിൽ കേസ് എടുക്കണമെന്ന് ആവശ്യപെട്ട് താമരശ്ശേരി സ്വദേശി നൽകിയ ഹർജിയിലാണ് തീരുമാനം.
താമരശേരി മജിസ്ട്രേറ്റ് കോടതി കേസ് എടുക്കാൻ ഉത്തരവിടാതിരുന്നത് ചോദ്യം ചെയ്താണ് ഹർജി നൽകിയത്. ഇതിൽ സർക്കാരിനോടും കോടതി വിശദീകരണം തേടി. അനധികൃത സ്വത്ത് സമ്പാദന കേസിൽ വിചാരണയ്ക്കാണ് തച്ചങ്കരി ത്രീ സ്റ്റാർ ബോർഡ് വച്ച കാറിൽ എത്തിയിരുന്നത്.
