തിരുവനന്തപുരം: ജസ്നയുടെ രക്തക്കറ അടങ്ങിയ വസ്ത്രങ്ങള് ക്രൈംബ്രാഞ്ച് കൈമാറിയിരുന്നു എന്ന പിതാവിന്റെ വാദം ശരിയല്ലെന്ന് സിബിഐ കോടതിയിൽ. ജെസ്ന ഗർഭിണിയല്ലെന്നു പരിശോധനയിൽ വ്യക്തമായിരുന്നുവെന്നും അന്വേഷണ ഉദ്യോഗസ്ഥനായ സിബിഐ ഇന്സ്പെക്ടര് നിപുല് ശങ്കര് കോടതിയെ അറിയിച്ചു.അന്വേഷണത്തിൽ വീഴ്ചവന്നിട്ടില്ലെന്നും ജെസ്ന മരിച്ചതിനു തെളിവു കണ്ടെത്താനായിട്ടില്ലെന്നും സിബിഐ പറഞ്ഞു.
കേസില് അന്വേഷണം അവസാനിപ്പിച്ച് കോടതിയില് സിബിഐ റിപ്പോര്ട്ട് സമര്പ്പിച്ചിരുന്നു. ഇതിനെതിരെ ജെസ്നയുടെ പിതാവ് കോടതിയെ സമീപിച്ചപ്പോഴാണ് വിശദീകരണം ആവശ്യപ്പെട്ട് കോടതി സിബിഐ ഉദ്യോഗസ്ഥനെ വിളിച്ചുവരുത്തിയത്. കേസിന്റെ തീരുമാനം തിരുവനന്തപുരം സിബിഐ കോടതി 23-ന് പ്രഖ്യാപിക്കും.
