പാരീസ് : പാരാലിമ്പിക്സിൽ ജാവലിൻ ത്രോയിൽ റെക്കോർഡ് നേട്ടവുമായി ഇന്ത്യയുടെ സുമിത് ആൻ്റിൽ.പുരുഷൻ ജാവലിൻ ത്രോ F64 വിഭാഗത്തിലാണ് സുമിത് ആൻ്റിൽ സ്വർണം നേടിയത്.ഇതോടെ പാരാലിമ്പിക്സിൽ ഇന്ത്യക്ക് മൂന്നു സ്വർണമായി .
70.59 മീറ്റർ ദൂരം എറിഞ്ഞാണ് സുമിത് ഒന്നാം സ്ഥാനത്തെത്തിയത്..ടോക്കിയോ പാരാലിംപിക്സിലും സുമിത് ഇന്ത്യയ്ക്കായി സ്വർണം നേടിയിരുന്നു. ഹരിയാനയിലെ സോനിപത്ത് സ്വദേശിയാണ് .തിങ്കളാഴ്ച പുരുഷ സിംഗിൾസ് ബാഡ്മിന്റൻ എസ്എല്‍ 3 ഇനത്തിൽ നിതേഷ് കുമാറും സ്വർണം നേടിയിരുന്നു.
പാരാലിമ്പിക്സിൽ ഇന്ത്യക്ക് ഇതുവരെ മൂന്ന് സ്വർണവും അഞ്ച് വെള്ളിയും ആറ് വെങ്കലവും ഉൾപ്പെടെ 14 മെഡലുകളായി.മെഡൽ പട്ടികയിൽ 14–ാം സ്ഥാനത്താണ് ഇന്ത്യയുള്ളത്.
