സ്പേസ് എക്സിന്റെ ക്രൂ-10 വിക്ഷേപിച്ചു 

വാഷിങ്ടൻ: സ്പേസ് എക്സിന്റെ ക്രൂ-10 വിജയകരമായിവിക്ഷേപിച്ചു.കെന്നഡി സ്പേസ് സെന്ററിൽ നിന്ന് ഇന്ത്യൻ സമയം പുലർച്ചെ 4.33ന് ഫാൽക്കൺ – 9 റോക്കറ്റിലായിരുന്നു വിക്ഷേപണം .അന്താരാഷ്ട്ര ബഹിരാകാശ നിലയത്തിൽ കുടുങ്ങിക്കിടക്കുന്ന സുനിത വില്യംസണിനെയും ബുച്ച് വിൽമോറിനെയും തിരികെയെത്തിക്കുകയാണ്‌ ദൗത്യത്തിന്റെ പ്രാധാന ലക്ഷ്യം.4 പുതിയ ബഹിരാകാശ സഞ്ചാരികളും പേടകത്തിലുണ്ട്. സാങ്കേതിക പ്രശ്‌നം കാരണം റോക്കറ്റിന്റെ ആദ്യ വിക്ഷേപണം നേരത്തെ മാറ്റിവച്ചിരുന്നു.ക്രൂ-10ലെ ബഹിരാകാശയാത്രികർ ഐ‌എസ്‌എസിൽ എത്തിക്കഴിഞ്ഞാൽ സുനിതയും ബുച്ച് വിൽമോറും മറ്റ് രണ്ടുപേരും ഫാൽക്കണിൽ ഭൂമിയിലേക്ക് തിരിക്കും.