കോന്നി : കുളത്തുമണ്ണിൽ കടുവ ഇറങ്ങിയതായി സ്ഥിരീകരിച്ച താമരപ്പള്ളി പാലക്കുഴി ഭാഗത്ത് കടുവ ഭക്ഷിച്ച പശുവിന്റെ ജഡം കണ്ടെത്തി.
ദിവസങ്ങൾ പഴക്കമുള്ള ജഡമാണ് കണ്ടെത്തിയത്. ഹാരിസൺ മലയാളം പ്ലാന്റേഷൻ ഭാഗത്ത് വനപ്രദേശത്ത് ആണ് പശുവിന്റെ ജഡം കാണപ്പെട്ടത്.
കഴിഞ്ഞ ദിവസം ആണ് ഇവിടെ പാടം ഫോറസ്റ്റ് അധികൃതർ ക്യാമറ സ്ഥാപിച്ചത്. ചൊവ്വ വൈകിട്ട് ഇവിടെ കടുവയെ കണ്ടതായി നാട്ടുകാർ വനപാലകരെ വിവരം അറിയിച്ചത്.
താമരപ്പള്ളി അഭിജിത് ഭവനിൽ അജിത് കുമാറും മകൻ അഭിജിത്തും കാണാതായ പശുവിനെ അന്വേഷിച്ച് നടക്കുന്നതിനിടെയാണ് കടുവയെ കാണുന്നത്. സമീപവാസികളെ വിവരം അറിയിച്ചതോടെ ആളുകൾ എത്തി ബഹളം വയ്ക്കുകയും പടക്കം പൊട്ടിക്കുകയും ചെയ്തതോടെ കടുവ കാടിനുള്ളിലേക്ക് മറഞ്ഞു. സ്ഥലത്ത് കൂട് സ്ഥാപിച്ച് കടുവയെ പിടികൂടി ജനങ്ങളുടെ ആശങ്ക ഒഴിവാക്കണമെന്ന് പ്രദേശവാസികൾ ആവശ്യപ്പെട്ടു
