തൃശ്ശൂർ : തൃശ്ശൂർ കോടാലി സർക്കാർ എൽപി സ്കൂളിന്റെ ഹാളിലെ മേൽക്കൂരയ്ക്ക് താഴെയുള്ള സീലിങ് തകർന്നു വീണു. ഇന്ന് പുലർച്ചെയാണ് സംഭവം .കുട്ടികൾ അസംബ്ലി കൂടുന്ന ഓഡിറ്റോറിയത്തിന്റെ സീലിങ് ആണ് തകർന്നത്. ഷീറ്റിനടിയിലെ ജീപ്സം ബോർഡാണ് തകർന്നു വീണത്. ഫാനുകളും കസേരകളും നശിച്ചു.
2023 ൽ 54 ലക്ഷം രൂപ ചെലവിൽ നിർമിച്ചതാണ് ഈ ഹാളിന്റെ സീലിംഗ് .കഴിഞ്ഞ മാസം നടന്ന പിടിഎ യോഗത്തിൽ അറ്റകുറ്റപ്പണി നടത്താൻ തീരുമാനിച്ചിരുന്നു. അശാസ്ത്രീയമായാണ് കെട്ടിടം നിർമിച്ചതെന്ന് രക്ഷിതാക്കൾ ആരോപിക്കുന്നു .കനത്ത മഴയെ തുടർന്ന് തൃശൂർ ജില്ലയിലെ വിദ്യാഭ്യാസ സ്ഥാപനങ്ങൾക്ക് കളക്ടർ ഇന്ന് അവധി പ്രഖ്യാപിച്ചിരുന്നതിനാൽ മറ്റ്‌ അനിഷ്ട സംഭവങ്ങൾ ഒഴിവായി .
