ചെന്നൈ : തമിഴ്‌നാട്ടിൽ കാറും ലോറിയും കൂട്ടിയിടിച്ച് 5 വിദ്യാർത്ഥികൾ മരിച്ചു.2 പേർക്ക് പരിക്കേറ്റു.തിരുവള്ളൂർ ജില്ലയിലെ രാമഞ്ചേരിക്കടുത്ത് ഞായറാഴ്ച രാത്രിയാണ് അപകടം നടന്നത്‌.ചെന്നൈ-തിരുപ്പതി ദേശീയപാതയിൽ വിദ്യാർഥികൾ സഞ്ചരിച്ചിരുന്ന കാർ ലോറിയുമായി കൂട്ടിയിടിക്കുകയായിരുന്നു.
ചെന്നൈ എസ്ആർഎം കോളജിലെ എൻജിനീയറിങ് വിദ്യാർഥികളാണ് അപകടത്തിൽപ്പെട്ടത്.ഏഴ് വിദ്യാർത്ഥികളും ഡ്രൈവറും ഉൾപ്പെടെ എട്ട് പേർ കാറിൽ ഉണ്ടായിരുന്നു.അഞ്ച് വിദ്യാർത്ഥികൾ തൽക്ഷണം മരിക്കുകയും ഡ്രൈവർ ഉൾപ്പെടെ രണ്ട് പേർക്ക് ഗുരുതരമായി പരിക്കേൽക്കുകയും ചെയ്തു.കാറിന്റെ നിയന്ത്രണം നഷ്ടപ്പെട്ടതാണ് അപകടകാരണം എന്നാണ് പ്രാഥമിക നിഗമനം.
