ന്യൂഡൽഹി : രാജ്യത്തിൻറെ അഭിമാനമായ ചന്ദ്രയാൻ-3 ദൗത്യത്തിന് ഇന്ന് ഒരു വയസ് . 2023 ഓഗസ്റ്റ് 23-ന് ചന്ദ്രനിൽ കാലുകുത്തിയ നാലാമത്തെ രാജ്യവും ദക്ഷിണ ധ്രുവ മേഖലയിൽ എത്തുന്ന ആദ്യ രാജ്യവുമായി ഇന്ത്യ മാറി. ചന്ദ്രയാന്‍-3 യുടെ വിജയം ഓര്‍മ്മിപ്പിച്ച് ഇന്ന് പ്രഥമ ദേശീയ ബഹിരാകാശ ദിനം ആഘോഷിക്കുകയാണ്. ദില്ലിയിലെ ഭാരത് മണ്ഡപത്തിലാണ് ആഘോഷച്ചടങ്ങുകൾ നടക്കുക. രാഷ്ട്രപതി ദ്രൗപതി മുർമ്മു മുഖ്യാതിഥിയാകും
ചന്ദ്രയാന്‍-3 ദൗത്യത്തിലെ വിക്രം ലാൻഡറും പ്രഗ്യാൻ റോവറും ശേഖരിച്ച മുഴുവൻ വിവരങ്ങളും ഐഎസ്ആര്‍ഒ ഇന്ന് ഔദ്യോഗികമായി പുറത്തുവിടും.2023 ഓഗസ്റ്റ് 23-ന് വൈകുന്നേരം 6.04-നാണ് ചന്ദ്രയാൻ-3 ന്റെ വിക്രം ലാൻഡർ ചന്ദ്രോപരിതലത്തെ തൊടുന്നത് .
