അടൂർ : പാറയുമായി വന്ന ടിപ്പർ ലോറി വീടിന് മുകളിലേക്ക് മറിഞ്ഞു. വീട് പൂർണമായും തകർന്നു. വീട്ടിൽ ഉണ്ടായിരുന്ന കുട്ടികൾ രക്ഷപെട്ടത് തലനാരിഴയ്ക്ക്. കടമ്പനാട് മുണ്ടപ്പള്ളി കോളനിയിൽ ശിവ വിലാസത്തിൽ മണിക്കുട്ടൻ്റെ വീടാണ് തകർന്നത്. ഇന്ന് രാവിലെ ആയിരുന്നു സംഭവം.
റോഡരികിൽ പൈപ്പ് ലൈൻ സ്ഥാപിക്കുന്നതിന് എടുത്ത കുഴി മൂടിയ ഭാഗം ഒഴിവാക്കി ലോറി വെട്ടിച്ചപ്പോഴായിരുന്നു അപകടം. വീടിൻ്റെ സംരക്ഷണ ഭിത്തി തകർത്താണ് ലോറി വീടിന് മുകളിലേക്ക് മറിഞ്ഞത്. പതുക്കെ ചരിയുന്നത് ലോറി ഉടമ ഉച്ചത്തിൽ വിളിച്ചു പറഞ്ഞതോടെ മുറിയ്ക്കുള്ളിൽ ഉണ്ടായിരുന്ന കുട്ടികൾ ഓടി മാറിയതിനാൽ വൻ ദുരന്തം ഒഴിവായി.
കുട്ടികൾ സ്കൂളിൽ പോകാൻ തയ്യാറെടുക്കുകയായിരുന്നു. വീടിൻ്റെ നാല് മുറികൾ തകർന്നു. ഉടമ തന്നെയാണ് ലോറി ഓടിച്ചത്. അടൂർ പൊലീസ് സ്ഥലത്ത് എത്തി പരിശോധന നടത്തി.
