ന്യൂഡൽഹി : തിരുപ്പതി ലഡ്ഡു തയ്യാറാക്കുന്ന നെയ്യിൽ മൃഗ കൊഴുപ്പ് അടങ്ങിയിട്ടുണ്ടെന്ന ആരോപണത്തിൽ ആന്ധ്രാപ്രദേശ് മുഖ്യമന്ത്രി എൻ. ചന്ദ്രബാബു നായിഡുവിനോട് റിപ്പോർട്ട് തേടി കേന്ദ്ര ആരോഗ്യമന്ത്രാലയം.ആരോഗ്യമന്ത്രി ജെ.പി നദ്ദയാണ് റിപ്പോർട്ട് തേടിയിരിക്കുന്നത്.
കഴിഞ്ഞ ദിവസമായിരുന്നു വൈഎസ്ആർ കോൺഗ്രസ് സർക്കാരിന്റെ കാലത്ത് തിരുപ്പതി ലഡ്ഡുവിൽ മൃഗക്കൊഴുപ്പും മീനെണ്ണയും അടങ്ങിയിയ നെയ്യ് ഉപയോഗിച്ചിരുന്നുവെന്ന് ആരോപിച്ച് മുഖ്യമന്ത്രി നായിഡുവിന്റെ തെലുങ്ക് ദേശം പാർട്ടി രംഗത്തെത്തിയത് . ഇതിനെ സാധൂകരിക്കുന്ന ഗുജറാത്ത് ആസ്ഥാനമായുള്ള ലബോറട്ടറി റിപ്പോർട്ടും പുറത്തുവിട്ടിരുന്നു. തുടർന്നാണ് കേന്ദ്ര ആരോഗ്യമന്ത്രാലയം മുഖ്യമന്ത്രിയോട് റിപ്പോർട്ട് തേടിയിരിക്കുന്നത്.
