കാട്ടുപന്നിക്ക് വെച്ച കെണിയില്‍ നിന്നും ഷോക്കേറ്റ്‌ സഹോദരങ്ങൾ മരിച്ചു

തൃശ്ശൂർ : തൃശ്ശൂർ വരവൂരിൽ പാടശേഖരത്തില്‍ സഹോദരങ്ങൾ ഷോക്കേറ്റ് മരിച്ച നിലയിൽ .കുണ്ടന്നൂർ സ്വദേശികളായ രവി (50), അരവിന്ദാക്ഷൻ (55) എന്നിവരാണ് മരിച്ചത്. കാട്ടു പന്നിക്ക് വച്ച വൈദ്യുതി കൊണിയില്‍ നിന്നാണ് ഇവര്‍ക്ക് ഷോക്കേറ്റിട്ടുള്ളത്. ഇരുവരും പാടത്ത് മീൻ പിടിക്കാൻ പോയപ്പോഴായിരുന്നു അപകടം. ഷോക്കേറ്റ് കിടക്കുന്ന നിലയിൽ കണ്ട ഇവരെ നാട്ടുകാർ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. കാട്ടുപന്നിയുടെ ജഡവും സമീപത്തു കണ്ടെത്തി.