മുൻ ഡിജിപി ആർ.ശ്രീലേഖ ബിജെപിയിൽ ചേർന്നു

തിരുവനന്തപുരം : മുൻ ഡിജിപി ആർ.ശ്രീലേഖ ബിജെപിയിൽ ചേർന്നു. തിരുവനന്തപുരം ഈശ്വര വിലാസത്തിലുള്ള വീട്ടില്‍ വച്ച് ബിജെപി സംസ്ഥാന അധ്യക്ഷന്‍ കെ സുരേന്ദ്രനില്‍ നിന്നും പാർട്ടി അംഗത്വം സ്വീകരിച്ചു.കേരള കേഡറിലെ ആദ്യ വനിതാ ഐ.പി.എസ്. ഉദ്യോഗസ്ഥയാണ്.രണ്ടു വർഷം മുമ്പാണ് ഫയര്‍ഫോഴ്‌സ് മേധാവി ആയി സർവ്വീസിൽ നിന്ന് വിരമിച്ചത്.പ്രധാനമന്ത്രി നരേന്ദ്ര മോദിയുടെ പ്രവർത്തനങ്ങളിൽ ആകൃഷ്ടയായിട്ടാണ് ബിജെപിയിൽ ചേരുന്നതെന്ന് ശ്രീലേഖ മാദ്ധ്യമങ്ങളോട് പറഞ്ഞു.