ചേലക്കരയിൽ 19.70 ലക്ഷം രൂപ പിടികൂടി

തൃശ്ശൂർ : ചേലക്കര മണ്ഡലത്തിലെ വള്ളത്തോൾ നഗറിൽ രേഖകളില്ലാത്ത പണം പിടികൂടി. കലാമണ്ഡലം പരിസരത്ത് നിന്ന് 19.7 ലക്ഷം രൂപയാണ് കാറിൽ നിന്നും പിടികൂടിയത്. ഇലക്ഷന്‍ സ്‌ക്വാഡിന്റെ പരിശോധനക്കിടയിലാണ് രാവിലെ പാലക്കാട് കുളപ്പുള്ളി സ്വദേശികളിൽ നിന്ന് പണം കണ്ടെടുത്തത്. കാറിൽ പിന്നിൽ സൂക്ഷിച്ച ബാഗിൽ നിന്നാണ് പണം പിടിച്ചെടുത്തത്. വീടുപണിക്കു വേണ്ട ടൈൽസ് വാങ്ങാനായി ബാങ്കിൽ നിന്ന് പിൻവലിച്ച പണമാണെന്നാണ് കാർ യാത്രികരുടെ വിശദീകരണം . മതിയായ രേഖകളില്ലാത്തതിനാൽ പണം ആദായനികുതി വകുപ്പിനു കൈമാറും.