പത്തനംതിട്ട : പമ്പയിൽ നിന്ന് നിലയ്ക്കലിലേക്ക് പോയ കെഎസ്ആർടിസി ബസിന് തീപിടിച്ചു.ഇന്ന് പുലർച്ചെ 5.30-നായിരുന്നു സംഭവം.ചാലക്കയത്തിനും നിലയ്ക്കലിനും ഇടയിലെ വനമേഖലയിലെ 30–ാം വളവിൽ വച്ചാണ് സംഭവം. ഡ്രൈവറും കണ്ടക്ടറും മാത്രമാണ് ബസിലുണ്ടായിരുന്നത്. ഇരുവർക്കും പരിക്കില്ല. നിലയ്ക്കൽ നിന്നു തീർഥാടകരെ കയറ്റാൻ കാലിയായി പോകുകയായിരുന്നു ബസ് .
വണ്ടിയിൽ നിന്ന് പുകയും സ്പാർക്കും വരുന്നത് കണ്ട് ഡ്രൈവർ വണ്ടി സൈഡിലേക്ക് ഒതുക്കുകയായിരുന്നു. ബസ് ഭാഗികമായി കത്തിനശിച്ചു. പമ്പ, നിലയ്ക്കൽ എന്നിവിടങ്ങളിൽ നിന്നുള്ള അഗ്നിരക്ഷാസേന എത്തി തീ അണച്ചു.
