വയനാട് : വയനാട്ടിൽ വിദ്യാർത്ഥിയിൽ നിന്നും കഞ്ചാവ് മിഠായി പിടികൂടി. ബത്തേരിയിലെ കോളജ് വിദ്യാർത്ഥിയിൽ നിന്നാണ് മിഠായി രൂപത്തിലുള്ള കഞ്ചാവ് പിടികൂടിയത്. കഴിഞ്ഞ ദിവസം വിദ്യാർഥികൾ സംശയാസ്പദമായി കൂട്ടംകൂടി നിൽക്കുന്നത് കണ്ട് പൊലീസ് ചോദ്യം ചെയ്തപ്പോഴാണ് കഞ്ചാവ് മിഠായിയെ കുറിച്ച് വിവരം ലഭിച്ചത്.
ഇതേ കോളജിൽ പഠിക്കുന്ന വിദ്യാർഥിയാണ് മറ്റ് വിദ്യാർഥികൾക്കിടയിൽ വിൽപ്പന നടത്തുന്നത്.ഓൺലൈൻ വഴിയാണ് കഞ്ചാവ് മിഠായികളുടെ വ്യാപാരം. 30 രൂപയ്‌ക്കാണ് ഒരു കഞ്ചാവ് മിഠായി വിറ്റിരുന്നത്. മൂന്ന് മാസമായി ഓൺലൈൻ ട്രേഡിങ് ആപ്പ് വഴി മിഠായി വാങ്ങി വിൽപ്പന നടത്തുന്നുണ്ടെന്ന് പിടികൂടിയ വിദ്യാർത്ഥി മൊഴി നൽകി.
