പാക്ക് വെടിവയ്പ്പിൽ ആന്ധ്ര സ്വദേശിയായ സെെനികന് വീരമൃത്യു

ശ്രീനഗർ : നിയന്ത്രണ രേഖയിൽ പാക്കിസ്ഥാൻ നടത്തിയ വെടിവയ്പ്പിൽ സെെനികന് വീരമൃത്യു. ആന്ധ്ര സ്വദേശിയായ മുരളി നായിക്(27) ആണ് പാക് വെടിവെപ്പിൽ വീരമൃത്യു വരിച്ചത്.കശ്മീരിലെ നിയന്ത്രണരേഖയ്ക്കടുത്ത് വ്യാഴാഴ്ച രാത്രിയുണ്ടായ വെടിവയ്പിൽ മുരളിക്ക് സാരമായി പരിക്കേറ്റിരുന്നു. ചികിൽസയ്ക്കായി ഡൽഹിയിലേക്ക് എയർലിഫ്റ്റ് ചെയ്യാനുള്ള നടപടികൾ പുരോ​ഗമിക്കവേയായിരുന്നു അന്ത്യം.ആന്ധ്രയിലെ സത്യസായ് ജില്ലയിലെ ഗൊരാണ്ട്​ലയാണ് മുരളി നായിക്കിന്റെ സ്വദേശം.കർഷക കുടുംബത്തിൽ നിന്നുള്ളയാളാണ്.ഭൗതികദേഹം നാളെ സ്വദേശത്തെത്തിക്കും.