കോഴിക്കോട് ഭൂചലനം അനുഭവപ്പെട്ടതായി നാട്ടുകാർ

കോഴിക്കോട് : കായക്കൊടി പഞ്ചായത്തിലെ എള്ളിക്കാംപാറയിൽ നേരിയ ഭൂചലനം. ശനിയാഴ്ച രാത്രി 7.30 ഓടെ പ്രത്യേക ശബ്ദം കേട്ടെന്നും ചലനം അനുഭവപ്പെട്ടന്നും പ്രദേശവാസികൾ പറഞ്ഞു.സെക്കൻഡുകൾ മാത്രമാണ് ചലനം ഉണ്ടായത്. പരിഭ്രാന്തരായ ആളുകൾ വീടുവിട്ട് പുറത്തേക്കിറങ്ങി. വെള്ളിയാഴ്ച രാത്രിയും ഇതേ സമയത്ത് ഭൂചനം അനുഭവപ്പെട്ടിരുന്നതായി നാട്ടുകാർ പറയുന്നു. ആളപായമോ നാശനഷ്ടങ്ങളോ റിപ്പോർട്ട് ചെയ്തിട്ടില്ല. ആശങ്കപ്പെടേണ്ട സാഹചര്യമില്ലെന്നും വി​ദ​ഗ്ധ സംഘം ഇന്ന് പ്രദേശം സന്ദർശിക്കുമെന്നും ജില്ലാ കളക്ടർ അറിയിച്ചു.