തിരുവല്ല: തൊഴിലുറപ്പ് തൊഴിലാളികൾക്ക് തണലായി കാരുണ്യാ പാലിയേറ്റീവ് സൊസൈറ്റി വള്ളംകുളം സോണൽ കമ്മിറ്റി. ഇരവിപേരൂർ പഞ്ചായത്തിലെ നന്നൂരിൽ നടന്ന ചടങ്ങിൽ വള്ളംകുളത്തുള്ള അഞ്ചു വാർഡുകളിലെ എൻ ആർ ഇ ജി തൊഴിലാളികൾകളായ 120 പേർക്ക് മഴക്കുപ്പായവും തൊപ്പികുടയും വിതരണം ചെയ്തു.
മഴക്കാലമായതിനെ തുടർന്നുള്ള തൊഴിൽ നഷ്ടം ഒഴിവാക്കാനാണ് ഈ സാന്ത്വന പരിപാടി നടപ്പാക്കിയതെന്ന് സൊസൈറ്റി സോണൽ പ്രസിഡന്റ്‌ രാജീവ്‌ എൻ എസ്സ്, സെക്രട്ടറി ഡോ അഭിനേഷ് ഗോപൻ എന്നിവർ പറഞ്ഞു.
നൂറുദിന തൊഴിൽ പൂർത്തീകരിച്ച തൊഴിലാളികളെ അഭിനന്ദിച്ചു. അഡ്വ. രാജീവ്‌. എൻ, പി. ബി. അഭിലാഷ്, കെ എൻ. രാജപ്പൻ, വിജയമ്മ. കെ കെ, രമ്യ പി ആർ, രമ്യ അനുരാജ് എന്നിവർ പ്രസംഗിച്ചു.
