കണ്ണിന് പരിക്കേറ്റ കൊമ്പൻ പിടി 5നെ മയക്കുവെടി വെച്ചു

പാലക്കാട് : കണ്ണിന് പരിക്കേറ്റ കൊമ്പൻ പിടി 5നെ ദൗത്യ സംഘം മയക്കുവെടി വെച്ചു. ആനയ്ക്ക് വിദഗ്ധ സംഘം ചികിത്സ നൽകും .ചികിത്സ നൽകിയ ശേഷം ആനയെ കാട്ടിലേക്ക് തിരിച്ചയക്കും. പരിക്ക് ഗുരുതരമെങ്കിൽ ബേസ് ക്യാംപിലേക്ക് മാറ്റിയേക്കും. ആനയുടെ ഇടതു കണ്ണിന് നേരത്തേ കാഴ്ചയില്ല. വലതു കണ്ണിന് കാഴ്ച കുറഞ്ഞതോടെയാണ് ചികിത്സ നൽ‌കാൻ തീരുമാനിച്ചത് . ചീഫ് വെറ്ററിനറി സർജൻ ഡോ.അരുൺ സക്കറിയ ഉൾപ്പെടെ 15 പേരാണു ദൗത്യ സംഘത്തിലുള്ളത്.ദൗത്യത്തിനായി മുത്തങ്ങയിൽ നിന്ന് വിക്രം, ഭരത് എന്നീ കുങ്കിയാനകളും എത്തിയിട്ടുണ്ട്.