ശബരിമല : ശബരിമല സ്വർണാപഹരണ കേസിൽ പൊലീസ് കസ്റ്റഡിയിൽ ലഭിച്ച ബോർഡ് മുൻ അഡ്മിനിസ്ട്രേറ്റിവ് ഓഫിസർ മുരാരി ബാബു, മുൻ എക്സിക്യൂട്ടീവ് ഓഫീസർ ഡി. സുധീഷ് കുമാർ, ഉണ്ണികൃഷ്ണൻ പോറ്റി എന്നിവരെ മൂന്നാംഘട്ട അന്വേഷണത്തിൻ്റെ ഭാഗമായി എസ് ഐ ടി ഇന്നും ഒന്നിച്ചിരുത്തി ചോദ്യം ചെയ്യും.
തുടർന്ന് ഇന്നോ നാളെയോ മൂവരെയും ശബരിമലയിൽ എത്തിച്ച് തെളിവെടുപ്പ് നടത്തും. ഉണ്ണികൃഷ്ണൻ പോറ്റിയുടെ കസ്റ്റഡി കാലാവധി തിങ്കളാഴ്ച അവസാനിക്കും. മുരാരി ബാബു സമർപ്പിച്ച ജാമ്യാപേക്ഷ കോടതി പിന്നീട് പരിഗണിക്കും. ചട്ടങ്ങൾ മറി കടന്ന് 2019 ൽ കട്ടിപ്പാളിയിൽ സ്വർണം പൂശാൻ ദേവസ്വം ബോർഡ് ഉണ്ണികൃഷ്ണൻ പോറ്റിയോട് ആവശ്യപ്പെട്ട വിവരവും എസ് ഐ ടി കണ്ടെത്തിയതിനാൽ വരും ദിവസങ്ങളിൽ ഉന്നത കേന്ദ്രങ്ങളിലെ പലരെയും അറസ്റ്റ് ചെയ്യാനും സാധ്യതയുണ്ട്.
