തിരുവല്ല: കാവുംഭാഗം പെരിങ്ങോൾ ശ്രീകൃഷ്ണേശ്വരം ശിവക്ഷേത്രത്തിൽ കാണിക്ക വഞ്ചി കുത്തി തുറക്കുവാൻ ശ്രമം. ഒരാൾ പിടിയിൽ. റാന്നി അത്തിക്കയം സ്വദേശി സുനിലിനെ നാട്ടുകാർ പിടികൂടി പോലീസിൽ ഏൽപ്പിച്ചു. ഇന്ന് ഉച്ച കഴിഞ്ഞ് 3 മണിയോടെ ആയിരുന്നു സംഭവം. ക്ഷേത്രത്തിലെ കാണിക്ക വഞ്ചിയുടെ ഗ്രീല്ല് ആക്സോ ബ്ലേഡ് ഉപയോഗിച്ച് മുറിക്കുന്നിതിനിടെയാണ് പിടികൂടിയത്.
സമീപത്തുള്ള ശ്രീ ശങ്കര വിദ്യ പീഠം സ്ക്കൂളിൽ നിന്നും കുട്ടികളെ വിളിക്കാൻ ഒരു രക്ഷകർത്താവ് പോകുന്ന വഴി ആക്സോ ബ്ലേഡ് കൊണ്ട് താഴ് അറക്കുന്ന ശബ്ദം കേട്ടാണ് മോഷണശ്രമം ശ്രദ്ധയിൽപ്പെട്ടത്. തുടർന്ന് നോക്കിയപ്പോൾ ക്ഷേത്രത്തിന്റെ മതിൽക്കെട്ടിലിന്റെ മറവിൽ സുനിൽ ഗ്രില്ല് അറക്കുന്നത് കണ്ടത്. ഉടൻതന്നെ നാട്ടുകാരെ വിളിച്ച് കൂട്ടുകയും മോഷ്ടാവിനെ തടഞ്ഞു വെക്കുകയും ചെയ്തു. പിന്നീട് തിരുവല്ല പോലീസിന് കൈമാറി.
