തിരുവല്ല: തൊഴിലാളികളുടെ ആനുകൂല്യങ്ങൾ ഒന്നൊന്നായി കവർന്നെടുക്കുന്ന കാര്യത്തിൽ കേന്ദ്ര, സംസ്ഥാന സർക്കാരുകൾ പരസ്പരം മത്സരിക്കുകയാണെന്ന് യൂ. ടി. യൂ. സി സംസ്ഥാന സെക്രട്ടറി തോമസ് ജോസഫ് ആരോപിച്ചു. യൂ. ടി. യൂ. സി യുടെ ആഭിമുഖ്യത്തിൽ തിരുവല്ല യിൽ സംഘടിപ്പിച്ച മെയ്‌ ദിന റാലിയുടെ സമാപനം കുറിച്ച് കൊണ്ട് നടന്ന സമ്മേളനം ഉൽഘാടനം ചെയ്തുകൊണ്ട് സംസാരിക്കുകയായിരുന്നു ആദ്ദേഹം.
ജില്ലാ പ്രസിഡന്റ്‌ കെ. പി. മധുസൂദനൻ പിള്ളയുടെ അദ്ധ്യഷതയിൽ ചേർന്ന യോഗത്തിൽ പി. ജി. പ്രസന്നകുമാർ, അഡ്വ. ജോർജ് വർഗീസ്, പെരിങ്ങര രാധാകൃഷ്ണൻ, പി. കെ. കുട്ടപ്പൻ, അംബിക സോമരാജൻ, കെ. പി. സുധീർ, എം. മോഹനചന്ദ്രൻ, പി. കെ. വിൽ‌സൺ, എസ്. നാരായണ സ്വാമി, വത്സമ്മ ടീച്ചർ, ജിജി കാറ്റോടു, അനിൽകുമാർ കവിയൂർ,മാത്യു വർഗീസ്, ജിത്തു മോഹൻകുമാർ തുടങ്ങിയവർ പ്രസംഗിച്ചു.
