ഇടുക്കി: പ്രശസ്ത നാടക നടൻ എംസി കട്ടപ്പന എന്നറിയപ്പെടുന്ന എംസി ചാക്കോ അന്തരിച്ചു. 75 വയസായിരുന്നു.വാർധക്യസഹജമായ അസുഖങ്ങളെ തുടർന്നാണ് മരണം. മുപ്പതോളം നാടകങ്ങളിൽ വേഷമിട്ടു. സിനിമകളിലും അഭിനയിച്ചിട്ടുണ്ട്. 40 വർഷത്തോളം നാടകരംഗത്ത് സജീവമായിരുന്നു .
2007ൽ കൊല്ലം അരീനയുടെ ആരും ‘കൊതിക്കാത്ത മണ്ണ്’ എന്ന നാടകത്തിലെ അഭിനയത്തിന് മികച്ച നടനുള്ള സംസ്ഥാന സർക്കാർ പുരസ്‌കാരം ലഭിച്ചു. കാഴ്ച, പകല്‍, പളുങ്ക്, നായകന്‍ തുടങ്ങിയ സിനിമകളിലും .സീരിയലുകളിലും അഭിനയിച്ചിട്ടുണ്ട് .സാമൂഹിക പ്രവർത്തനരംഗത്തും അദ്ദേഹം സജീവമായിരുന്നു. ഭാര്യ സാറാമ്മ.സംസ്‌കാരം നാളെ രാവിലെ കട്ടപ്പന സെൻറ് ജോർജ് പള്ളി സെമിത്തേരിയിൽ.
