ജമ്മു കശ്മീരിൽ ബസ് കൊക്കയിലേക്ക് മറിഞ്ഞ് 22 മരണം

ശ്രീനഗർ : ജമ്മു കശ്മീരിലെ ഉധംപുരിൽ ബസ് കൊക്കയിലേക്ക് മറിഞ്ഞ് 22 പേർ മരിച്ചു.നിരവധി പേർക്ക് പരിക്കേറ്റു . തിങ്കളാഴ്ച രാവിലെ പത്ത് മണിയോടെ ജമ്മു ജില്ലയിലെ അഖ്‌നൂർ പ്രദേശത്ത് 91 യാത്രക്കാരുമായി പോയ ബസാണ്‌ അപകടത്തിൽ പെട്ടത് .വളവ് തിരിയുന്നതിനിടെ നിയന്ത്രണം നഷ്ടപ്പെട്ട ബസ് കുന്നിൻ മുകളിൽ നിന്നും താഴേക്ക് മറിയുകയായിരുന്നു. പരുക്കേറ്റ 30 പേരുടെ നില ​ഗുരുതരമാണ്.പ്രാദേശിക ഭരണകൂടവും പൊലീസും ചേർന്ന് ഉടൻ തന്നെ രക്ഷാപ്രവർത്തനം ആരംഭിച്ചു.