മോസ്കോ : വ്യാപാര, പ്രതിരോധ ഇടപാടുകളുടെ പേരിൽ ഉപരോധങ്ങളും വിലക്കുകളും കൊണ്ടുവന്നാൽ നരേന്ദ്ര മോദിയുടെ നേതൃത്വത്തിൽ തിരിച്ചടി ഉണ്ടാകുമെന്ന് റഷ്യൻ പ്രസിഡന്റ് വ്‌ളാദിമിർ പുതിൻ. സെന്റ്‌ പീറ്റേഴ്സ്ബർഗ് ഇന്റർനാഷണൽ ഇക്കണോമിക് ഫോറത്തിൽ സംസാരിക്കുകയായിരുന്നു അദ്ദേഹം.
രാജ്യതാൽപ്പര്യം മുൻനിർത്തിയാണ് ഇന്ത്യ തീരുമാനങ്ങൾ എടുക്കുന്നത്. വിദേശത്തു നിന്നുള്ള സമ്മർദങ്ങളെ അവർ മുഖവിലയ്ക്ക് എടുക്കാറില്ല .പരമാധികാര രാജ്യങ്ങൾക്ക് തങ്ങളുടെ പ്രതിരോധ-സാമ്പത്തിക പങ്കാളികളെ തിരഞ്ഞെടുക്കാനുള്ള സ്വാതന്ത്ര്യം ഉണ്ടായിരിക്കണമെന്നും ഉപരോധ ഭീഷണികളുണ്ടായാൽ മോദിയുടെ നേതൃത്വത്തിൽ ഇന്ത്യ ഉടൻ തിരിച്ചടിക്കുമെന്നും അദ്ദേഹം വ്യക്തമാക്കി.
