ന്യൂഡൽഹി : തുടര്ച്ചയായി ഏറ്റവും കൂടുതല് കാലം പ്രധാനമന്ത്രി പദത്തിലിരുന്ന റെക്കോഡ് സ്വന്തമാക്കി നരേന്ദ്ര മോദി.പ്രധാനമന്ത്രി പദവിയിൽ 4399 ദിവസമാണ് അദ്ദേഹം പൂർത്തിയാക്കുന്നത്.ജവാഹർലാൽ നെഹ്റുവിന്റെ റെക്കോഡാണ് (4398 ദിവസം) മോദി മറികടന്നത് .
മോദി സര്ക്കാര് ഭരണത്തില് 12 വര്ഷം പൂര്ത്തിയാക്കുന്നതിന്റെ പശ്ചാത്തലത്തില്, ബി.ജെ.പി/എന്.ഡി.എ സഖ്യം ഭരിക്കുന്ന സംസ്ഥാനങ്ങളിലെ മുഖ്യമന്ത്രിമാരുടെ ഉന്നതതല യോഗം ഇന്ന് ഡല്ഹിയില് ചേരും. മുതിര്ന്ന കേന്ദ്രമന്ത്രിമാരും എന്.ഡി.എ ഭരണത്തിലുള്ള 22 സംസ്ഥാനങ്ങളിലെ മുഖ്യമന്ത്രിമാരും ഉപമുഖ്യമന്ത്രിമാരും യോഗത്തില് പങ്കെടുക്കുമെന്ന് ഔദ്യോഗിക വൃത്തങ്ങള് അറിയിച്ചു. കേന്ദ്രമന്ത്രിസഭയിൽ ചെറിയ അഴിച്ചുപണിയുടെയും ബി.ജെ.പി. ദേശീയ ഭാരവാഹിതലത്തിലുള്ള പുനഃസംഘടനയുടെയും മുന്നോടിയായാണ് യോഗം എന്നാണ് സൂചന .
