പത്തനംതിട്ട: ഭിന്നശേഷി സഹോദരങ്ങൾ ലോകകപ്പ് ഫുട്ബോളിന്റെ മാസ്മരികതയിൽ പങ്കാളികളാകുന്ന സമദൃഷ്ടി ഇൻക്യൂസീവ് ഫുട്ബോൾ ലഹർ 2026 ശനിയാഴ്ച തിരുവല്ല മുനിസിപ്പൽ പാർക്കിൽ നടക്കും.
സക്ഷമ ജില്ലാ കമ്മിറ്റി സംഘടിപ്പിക്കുന്ന പരിപാടിയിൽ ജില്ലയിലെ വിവിധ സ്പെഷൽ സ്കൂളുകൾ, ഭിന്നശേഷി സ്ഥാപനങ്ങൾ, പൊതുവിദ്യാലയങ്ങൾ, സന്നദ്ധസംഘടനകൾ എന്നിവിടങ്ങളിൽ നിന്ന് നൂറുകണക്കിന് മത്സരാർത്ഥികൾ പങ്കെടുക്കും. ഇന്ത്യൻ ഫുട്ബോൾ ടീമിന്റെ മുൻ ഇന്റർനാഷണൽ ഗോൾകീപ്പർ കെ.ടി. ചാക്കോ ഉദ്ഘാടനം ചെയ്യും.
രാവിലെ 9.30-ന് രജിസ്ട്രേഷൻ, ഉദ്ഘാടന സമ്മേളനം. തുടർന്ന് വിവിധ വിഭാഗങ്ങളിലായി മത്സരങ്ങൾ ആരംഭിക്കും. ഭിന്നശേഷിക്കാർ വ്യക്തിപരമായും ടീമായും പങ്കെടുക്കുന്ന ഫുട്ബോൾ മേളയിലൂടെ കളിയിലൂടെ സമത്വം- പങ്കാളിത്തത്തിലൂടെ ഉൾക്കൊള്ളൽ എന്നസന്ദേശമാണ് സമൂഹത്തിന് നൽകുന്നതെന്ന് സംഘാടകർ അറിയിച്ചു.
ഉച്ചക്ക് 12.30ന് നടക്കുന്ന സമാപന സമ്മേളനത്തിൽ വിജയികൾക്ക് മെഡലുകളും സർട്ടിഫിക്കറ്റുകളും നൽകും. വിശദവിവരങ്ങൾക്ക് -9447364398, 9446506310.
