തിരുവനന്തപുരം : ശബരിമലയിൽ നിലവിലെ ടെൻഡറുകൾ റദ്ദാക്കി മിൽമയിൽ നിന്ന് നേരിട്ട് നെയ്യ് വാങ്ങാനുള്ള മുൻ ദേവസ്വം പ്രസിഡന്റ് പി.എസ്. പ്രശാന്തിന്റെ കൈപ്പടയിലെ നിര്‍ണായക രേഖകൾ വിജിലന്‍സ് പ്രത്യേക അന്വേഷണ സംഘത്തിന് ലഭിച്ചു .ദേവസ്വം കമ്മിഷണറുടെ ശക്തമായ എതിർപ്പിനെ അവഗണിച്ചുകൊണ്ടാണ് മിൽമയിൽ നിന്ന് നെയ്യ് വാങ്ങാനുള്ള തീരുമാനമെടുത്തതെന്ന് ലഭിച്ച രേഖകൾ വ്യക്തമാക്കുന്നു .
മിൽമയിൽ നിന്ന് എത്തിച്ച നെയ്യിന്റെ അളവിലും വലിയ തോതിലുള്ള വെട്ടിപ്പ് നടന്നതായാണ് സംശയം. മില്‍മയില്‍ നിന്ന് നെയ്യ് കയറ്റിയതുമുതല്‍ ശബരിമലയില്‍ എത്തിച്ച് സ്റ്റോക്ക് രേഖകളില്‍ ഉള്‍പ്പെടുത്തിയതുവരെയുള്ള മുഴുവന്‍ നടപടികളും അന്വേഷണ സംഘം പരിശോധിച്ചുവരികയാണ്.
