മറയൂർ: സ്വകാര്യ യുക്കാലി തോട്ടത്തില്‍ കാലില്‍ കയര്‍ കുരുങ്ങിയ നിലയില്‍ കണ്ട പെണ്‍ കാട്ടാനയെ വനപാലകര്‍ രക്ഷപ്പെടുത്തി. മറയൂര്‍ ചന്ദന ഡിവിഷനിലെ കാന്തല്ലൂര്‍ റെയിഞ്ചിലെ തോട്ടത്തിലാണ് ആര്‍ ആര്‍ ടി ടീം (റാപ്പിഡ് റെസ്‌പോണ്‍സ് ടീം)ആന അപകടത്തില്‍പ്പെട്ടത് കണ്ടത്.
സംഭവത്തെ തുടര്‍ന്ന് ചീഫ് വൈല്‍ഡ് ലൈഫ് വാര്‍ഡന്‍ ഡി ജയപ്രസാദ്‌ന്റെ ഉത്തരവ് പ്രകാരം മയക്കു വെടി വയ്ച്ചു കാലിലെ കയര്‍ നീക്കം ചെയ്യുകയും മുറിവിൽ മരുന്ന് ഉപയോഗിച്ച് ഡ്രസ് ചെയ്യുകയും ചെയ്തു. മൂന്ന് മണിക്കൂറിനുശേഷം ആന പൂര്‍വസ്ഥിതി പ്രാപിച്ചു.
വയനാട് ആര്‍ ആര്‍ ടിയിലെ ഡോ അനുരാജ്, ഡോ അജേഷ് മോഹന്‍ദാസ് എന്നിവർ ചികിത്സക്ക് നേതൃത്വം നൽകി
