മൂവാറ്റുപുഴ : മൂവാറ്റുപുഴയിൽ ഇരുപതോളം വീടുകളുടെ ഗേറ്റുകളിലും മുറ്റത്ത് പാര്‍ക്ക് ചെയ്തിരുന്ന ഇരുചക്രവാഹനങ്ങളിലും കറുത്ത പ്ലാസ്റ്റിക് ടൈകള്‍ കെട്ടിയ നിലയില്‍ കണ്ടെത്തിയത് ആശങ്ക പടർത്തി .നഗരസഭയിലെ 9,10 വാർഡുകളിലെ വീടുകളിലാണ് അസാധാരണ സംഭവം.പൊലീസ് അന്വേഷണം ആരംഭിച്ചു.
കാവുംകര, ഫ്രഷ് കോള, മാർക്കറ്റ് മേഖലകളിലെ വീടുകളിലാണ് ഗേറ്റുകളിലും വീടിനുള്ളില്‍ പാര്‍ക്ക് ചെയ്തിരുന്ന ബൈക്കുകളുടെ ഹാന്‍ഡിലുകളിലും ബ്രേക്ക് ലിവറുകളിലും കറുത്ത പ്ലാസ്റ്റിക് ടൈകള്‍ കണ്ടെത്തിയത്.സിസിടിവി ക്യാമറകളുള്ള വീടുകള്‍ ഒഴിവാക്കി അകലെയുള്ള വീടുകളില്‍ സമാനമായ പ്രവൃത്തി നടത്തിയെന്നാണ് പ്രദേശവാസികള്‍ പറയുന്നത്.
