ലണ്ടന്‍ : ചാരവൃത്തി കേസില്‍ ജയിലില്‍ കഴിഞ്ഞിരുന്ന വിക്കിലീക്സ് സ്ഥാപകന്‍ ജൂലിയന്‍ അസാന്‍ജ് ജയിൽ മോചിതനായി. ജയില്‍ മോചിതനായത്തിനു പിന്നാലെ അസാന്‍ജ് ഓസ്ട്രേലിയയിലേക്ക് മടങ്ങി. അഞ്ചുവര്‍ഷത്തോളം ജയിലില്‍ കഴിഞ്ഞ ശേഷമാണ് അസാന്‍ജ് മോചിതനാകുന്നത്.
അമേരിക്കയുടെ പ്രതിരോധ രഹസ്യങ്ങൾ ചോർത്തി എന്ന കുറ്റത്തിനാണ് അസാന്‍ജ് ബ്രിട്ടനിലെ ജയിലി‍ൽ കഴിഞ്ഞത്.ചാരവൃത്തിയുമായി ബന്ധപ്പെട്ട് 17 കേസുകൾ അദ്ദേഹത്തിന് എതിരെ ഉണ്ട് .ലണ്ടനിലെ ഇക്വഡോർ എംബസിയിൽ ഏഴ് വർഷത്തോളം അഭയം തേടിയിരുന്നു .2019 മുതൽ ലണ്ടനിലെ ബെല്‍മാര്‍ഷ് ജയിലിലായിരുന്നു അസാൻജ്.
