ആലപ്പുഴ : തീരദേശ റോഡ് വഴി കെഎസ്ആർടിസി ആലപ്പുഴ -എറണാകുളം ബസ് സർവീസ് ആരംഭിച്ചു. പി.പി.ചിത്തരഞ്ജൻ എം.എൽ.എ തുമ്പോളിയിൽ ഫ്‌ലാഗ് ഓഫ് നിർവഹിച്ചു.
തുമ്പോളിയിൽ നിന്നും വെള്ളിയാഴ്ച രാവിലെ 7.20നാണ് ആദ്യ സർവീസ് ആരംഭിച്ചത്. തുടർന്നുള്ള ദിവസങ്ങളിൽ ആലപ്പുഴയിൽ നിന്ന് എറണാകുളത്തേക്ക് രാവിലെ 6.30 നും 7.20നും ആണ് സർവീസ്. എറണാകുളത്തു നിന്നും വൈകുന്നേരം 4.20 നും 5.30 നും ആലപ്പുഴക്ക് സർവ്വീസുണ്ടാകും. മന്ത്രി കെ ബി ഗണേശ് കുമാറിന് പിപി ചിത്തരഞ്ജൻ എം എൽ എ നൽകിയ കത്തിന്റെ അടിസ്ഥാനത്തിലാണ് സർവ്വീസ് ആരംഭിച്ചത്. നിലവിൽ ദേശീയ പാത നിർമാണം മൂലം ഉണ്ടാകുന്ന ഗതാഗത പ്രശ്‌നത്തിനും ഒരു പരിധിവരെ പരിഹാരമാണ് ഈ സർവ്വീസ്.
