തിരുവല്ല : പെരിങ്ങര ഗ്രാമപഞ്ചായത്തിൽ ചിങ്ങം ഒന്ന് കർഷക ദിനത്തോടനുബന്ധിച്ച് കർഷകരെ ആദരിക്കുന്നതിനു വേണ്ടി അപേക്ഷകൾ ക്ഷണിക്കുന്നു. മികച്ച കർഷകൻ, ജൈവ കർഷകൻ, മികച്ച വനിത കർഷക, വിദ്യാർത്ഥി കർഷകൻ, എസ് സി കർഷകൻ, മുതിർന്ന കർഷകൻ, അംഗ പരിമിതരായ കർഷകർ, മുതിർന്ന കർഷക തൊഴിലാളി എന്നീ വിഭാഗത്തിൽപ്പെട്ട കർഷകരെയാണ് ആദരിക്കുന്നത്.
വെള്ള പേപ്പറിൽ തയ്യാറാക്കിയ അപേക്ഷയോടൊപ്പം 2024-2025 വർഷത്തെ കരം അടച്ച രസീത് എന്നിവയുടെ പകർപ്പുമായി അപേക്ഷ 2024 ജൂലൈ 31-ആം തീയതി അഞ്ചുമണിക്ക് മുമ്പായി കൃഷിഭവനിൽ എത്തിക്കേണ്ടതാണെന്ന് പെരിങ്ങര കൃഷി ഓഫീസർ അറിയിച്ചു.
5 വർഷങ്ങൾക്കകം ഏതെങ്കിലും വിഭാഗത്തിൽ അവാർഡുകൾ ലഭിച്ച കർഷകരുടെ അപേക്ഷ പരിഗണിക്കുന്നതല്ല.
